WhatsApp: వాట్సాప్‌లో ప్రొఫైల్ ఎవరు చూశారో తెలుసుకోవచ్చా?.. నిజమెంత?
ఇంటర్నెట్‌డెస్క్‌: కొద్ది రోజుల క్రితం వాట్సాప్ కొత్తగా ప్రొఫైల్ ఫొటోకు సంబంధించిన ప్రైవసీ సెట్టింగ్స్‌లో కొత్త ఫీచర్లను తీసుకొస్తున్నట్లు ప్రకటించింది. ఈ ఫీచర్‌ సాయంతో మీ ప్రొఫైల్ ఫొటోను ఎవరెవరు చూడాలనేది మీరే నియంత్రించుకోవచ్చు. 
వాట్సాప్ డీపీని చూసిన వారి వివరాలు తెలుసుకునేందుకు ముందుగా గూగుల్ ప్లేస్టోర్‌ నుంచి Who Viewed My WhatsApp Profile, Whats Track, Whatbox వంటి యాప్స్‌ని డౌన్‌లోడ్ చేసుకోవాలని సూచిస్తున్నారు. యాప్‌లను ఫోన్‌లో ఇన్‌స్టాల్ చేసిన తర్వాత మీ ప్రొఫైల్ ఫొటో లేదా డీపీని ఎవరెవరు చూశారనేది సదరు యాప్‌లో నిక్షిప్తం అవుతుందని యాప్‌ డెవలపర్స్ చెబుతున్నమాట.
తాజాగా దీనిపై సైబర్ నిపుణులు స్పందించారు. వాట్సాప్‌లో ప్రొఫైల్ ఫొటో లేదా డీపీ ఎవరు చూశారనేది తెలుసుకోవడం సాధ్యం కాదని స్పష్టం చేశారు. అలాంటి వార్తలను ఎంత మాత్రం నమ్మొద్దని సూచించారు. సైబర్ నేరగాళ్లు ఇలాంటి యాప్‌ల సాయంతో యూజర్ల డేటాను దొంగలిస్తున్నట్లు తెలిపారు. యూజర్‌ ప్రైవసీకి సంబంధించి వాట్సాప్ కఠినమైన నిబంధనలు అమలు చేస్తోందని.. వాటిని మీరి థర్డ్‌పార్టీ యాప్‌లు యూజర్‌ డేటాను ట్రాక్‌ చేయలేవని వెల్లడించారు. పైన పేర్కొన్న యాప్‌లలో చూపించే జాబితా మొత్తం మీ కాంటాక్ట్‌ లిస్ట్‌లోని పేర్లను ఒక ప్రణాళిక ప్రకారం చేసే మోసమని తెలిపారు. ఒకవేళ మీ ఫోన్లలో ఇలాంటి యాప్‌లు ఇన్‌స్టాల్ చేసుకుంటే వెంటనే డిలీట్ చేయాలని సూచించారు
0 Response to "WhatsApp: వాట్సాప్‌లో ప్రొఫైల్ ఎవరు చూశారో తెలుసుకోవచ్చా?.. నిజమెంత?"
Post a Comment