ప్రతి స్మార్ట్‌ఫోన్‌లో ఉండాల్సిన యాప్‌.
డిజిలాకర్‌ అనేది ఎలక్ట్రానిక్‌ పద్ధతిలో పత్రాలు, అధికారిక ధ్రువపత్రాలు, విద్యా సంబంధిత పత్రాలు పౌరులకు నేరుగా చేరవేయడానికేగాక తనిఖీకి కూడా అవకాశం కల్పించే ఒక క్లౌడ్‌ ఆధారిత వేదిక.
ఇన్‌స్టాలేషన్‌ :
* గూగుల్‌ ప్లేస్టోర్‌ నుండి డౌన్‌లోడ్‌ చేసుకోవాలి. అయితే అసలైన డిజిలాకర్‌ యాప్‌ ఐకాన్‌ కింద MeitY, Government of India ను చూసి, ధ్రువపర్చుకున్న తర్వాతనే డౌన్‌లోడ్‌ చేసుకోవాలి.
* ఇన్‌స్టాల్‌ చేసుకొన్న తర్వాత సైన్‌అప్‌ ఆప్షన్‌ ఎంచుకొని, మీ మొబైల్‌ నెంబర్‌ను నమోదు చేయాలి.
* రిజిస్టర్డ్‌ మొబైల్‌కు ఒటిపి వస్తుంది. అది నమోదు చేయాలి.
* తర్వాత ఈమెయిల్‌ ఐడీ ఎంటర్‌ చేసి, సరైన పాస్‌వర్డ్‌ను ఎంచుకొని, నమోదు చేయాలి.
* ఆ తర్వాత ఆధార్‌ నెంబర్‌ను డిజిలాకర్‌తో అనుసంధానించడం ద్వారా మీ పేరుతో జారీ చేయబడే అన్ని ధ్రువపత్రాలను డిజిటల్‌ రూపంలో పొందవచ్చు.
డిజిలాకర్‌లోకి అనుసంధానించడం :
1. ముందుగా మీ డిజిలాకర్‌ యాప్‌లోకి లాగిన్‌ అవ్వండి.
2. డిజిలాకర్‌ డాష్‌బోర్డులో చూపించబడుతున్న నోటిఫికేషన్స్‌ సెక్షన్‌లోని డిజిటల్‌ డ్రైవింగ్‌ లైసెన్స్‌ అనే ఆప్షన్‌ను ఎంచుకోండి.
3. అప్పుడు మీ డిజిలాకర్‌ రహదారి-రవాణా మంత్రిత్వశాఖతో అనుసంధానించబడుతుంది.
4. మీ డ్రైవింగ్‌ లైసెన్స్‌ నెంబర్‌ని ఎంటర్‌ చేసి, అక్కడే ఉన్న చెక్‌బాక్స్‌ను క్లిక్‌ చేయడం ద్వారా మీ అనుమతిని ఇవ్వండి.
5. అనంతరం గెట్‌ డాక్యుమెంట్‌ ఆప్షన్‌పై క్లిక్‌ చేయండి.
అంతే.. మీ డిజిటల్‌ డ్రైవింగ్‌ లైసెన్స్‌ మీ మొబైల్లోని మీ డిజిలాకర్‌తో అనుసంధానం అవుతుంది.
6. అదే విధంగా, డిజిటల్‌ వెహికిల్‌ రిజిస్ట్రేషన్‌ ఆప్షన్‌ ఎంచుకొని, మీ వాహన రిజిస్ట్రేషన్‌ నెంబర్‌, వాహన ఛాసిస్‌ నెంబర్‌ ఎంటర్‌ చేసి, తద్వారా మీ వాహన ఆర్‌.సి.ని కూడా పొందవచ్చు.
ప్రస్తుతం అందజేస్తున్న సేవలు
* సిబిఎస్‌ఇ ద్వారా జారీ చేయబడే డిజిటల్‌ మార్క్స్‌ షీట్స్‌
* సీటెట్‌- జూలై 2019 మార్క్స్‌ షీట్స్‌
* పదవ తరగతి, ఇంటర్మీడియెట్‌ మార్క్స్‌ షీట్స్‌ (ప్రస్తుతం కొన్ని రాష్ట్రాలకే పరిమితం)
* డిజిటల్‌ ఆధార్‌, డ్రైవింగ్‌ లైసెన్స్‌, పాన్‌ కార్డులు
* డిజిటల్‌ రిజిస్ట్రేషన్‌ సర్టిఫికెట్స్‌
* కుల ధ్రువీకరణ పత్రాలు
* ఆధాయ ధ్రువీకరణ పత్రాలు
* బ్యాంక్‌ పాస్‌ పుస్తకాలు
* ఎంపిక చేయబడ్డ మరికొన్ని ఇతర సేవలు
- ఎం.రవికుమార్‌,
డిపార్ట్‌మెంట్‌ ఆఫ్‌ కంప్యూటర్‌ సైన్స్‌
ఆంధ్ర లయోలా కళాశాల, విజయవాడ
0 Response to "ప్రతి స్మార్ట్‌ఫోన్‌లో ఉండాల్సిన యాప్‌."
Post a Comment