చంద్రయాన్‌-3కి కేంద్రం ఆమోదం: ఇస్రో చీఫ్‌
చంద్రయాన్‌-2లో చోటుచేసుకున్న వైఫల్యంపైనా శివన్ వివరణ ఇచ్చారు. వేగాన్ని తగ్గించే వ్యవస్థ విఫలమవడం వల్లే ల్యాండర్‌ ఉపరితలాన్ని గట్టిగా ఢీకొట్టిందని తెలిపారు. ఈ సందర్భంగా ల్యాండర్‌ జాడను కనుగొనడంలో సహాయపడిన చెన్నైకి చెందిన యువకుడు షణ్ముగ సుబ్రహ్మణియన్‌ను అభినందించారు.
చంద్రయాన్‌-3 ప్రాజెక్టును 2020లోనే చేపట్టే అవకాశాలు ఎక్కువగా ఉన్నాయని కేంద్ర సహాయ మంత్రి జితేంద్ర సింగ్‌ మంగళవారం వెల్లడించిన మరుసటి రోజే శివన్ ఈ ప్రకటన చేయడం గమనార్హం. 'చంద్రయాన్‌-2'ను విఫల ప్రాజెక్టుగా పరిగణించడం తగదని మంత్రి పేర్కొన్నారు. ప్రపంచంలో ఏ దేశమూ తొలి ప్రయత్నంలోనే జాబిల్లిపై ల్యాండర్‌ను దించలేకపోయిందని గుర్తుచేశారు. చంద్రయాన్‌-2తో సముపార్జించుకున్న అనుభవం, ఇప్పటికే అందుబాటులో ఉన్న పలు మౌలిక వసతులు నూతన ప్రాజెక్టులో కీలకంగా మారుతాయని.. చంద్రయాన్‌-2తో పోలిస్తే కొత్త ప్రాజెక్టు వ్యయం తక్కువగా ఉంటుందని పేర్కొన్నారు
0 Response to "చంద్రయాన్‌-3కి కేంద్రం ఆమోదం: ఇస్రో చీఫ్‌"
Post a Comment