తల్లిదండ్రులు, ఉపాధ్యాయుల సమావేశం (పిటియం)
ఆంధ్ర ప్రదేశ్ ప్రభుత్వం సమగ్ర శిక్ష పాఠశాల విద్య, అమరావతి
తల్లిదండ్రులు, ఉపాధ్యాయుల సమావేశం (పిటియం)
పిటియం నిర్వహించడానికి పాఠశాల ప్రధానోపాధ్యాయుల (School Head) కొరకు మార్గదర్శకాలు
ప్రియమైన పాఠశాల ప్రధానోపాధ్యాయులు,
సమాజ భాగస్వామ్యం ఉన్నప్పుడే ఏ రంగమైనా అభివృద్ధి చెందుతుందని, బలంగా విశ్వసించే మన ఆంధ్ర ప్రదేశ్ గౌరవ
ముఖ్యమంత్రివర్యులు మాన్యశ్రీ శ్రీ నారా చంద్రబాబు నాయుడు గారు రాష్ట్ర విద్యాభివృద్ధిలో కూడా సమాజం కీలక భాగస్వామి
కావాలన్నదే వారి ప్రధాన ఆకాంక్ష. పేదరికంలేని సమాజ నిర్మాణమే ధ్యేయంగా, ఈ మేరకు విద్యారంగంలో వస్తున్న అనేక
సంస్కరణలను పరిశీలించిన ప్రభుత్వం, తల్లిదండ్రులు, ఉపాధ్యాయులు మరియు పాఠశాల మధ్య సంబంధాలను
బలపరచడం ద్వారా మన ప్రభుత్వ పాఠశాలలను మరింత అభివృద్ధి చేసి రాబోవు 2047 సంవత్సరాంతానికి వికసిత
ఆంధ్రప్రదేశ్ గా తీర్చిదిద్దాలని సంకల్పించారు. ఇందులో భాగంగానే పేరెంట్ టీచర్స్ మీటింగ్ (పిటియం) ని దేశంలోనే
ఆదర్శవంతంగా నిర్వహించాలని సంకల్పించారు.
2009 సంవత్సరంలో భారత ప్రభుత్వం మన పిల్లల కొరకు "బాలల ఉచిత, నిర్భంద విద్యా హక్కు చట్టం (ఆర్.టి.ఈ)" తీసుకొచ్చింది. దేశంలోని 6-14 సంవత్సరాలలోపు వయస్సు పిల్లలందరికీ, ఉచిత, నిర్బంద విద్యను ఒక ప్రాథమిక హక్కుగా గుర్తించింది. ఇందులో భాగంగానే ప్రభుత్వ పాఠశాలల పనితీరును మెరుగుపరిచే క్రమంలో స్థానిక ప్రజలకు భాగస్వామ్యం కల్పించి పేరెంట్ టీచర్స్ మీటింగ్స్ (PTM) ఖచ్చితంగా నిర్వహించాలని ఆదేశించింది. ఇదే విషయాన్ని నేషనల్ ఎడ్యుకేషనల్ పాలసీ 2020 కూడా నొక్కి వక్కాణించింది.
తల్లిదండ్రులు, ఉపాధ్యాయుల సమావేశం (పిటియం) తల్లిదండ్రులు, ఉపాధ్యాయులు మరియు పాఠశాల మధ్య ఒక దృఢమైన బంధాన్ని ఏర్పరచడానికి ఉద్దేశించిన కీలకమైన కార్యక్రమం. తల్లిదండ్రులు తమ పిల్లలు విద్యాపరంగా, ప్రవర్తనా పరంగా ఏ స్థాయిలో ఉన్నారో మరియు సమాజ అంశాల పట్ల ఎలాంటి అవగాహనా కలిగి ఉన్నారో తెలుసుకోవడంతోపాటు, అర్థం చేసుకోవడానికి ఉపయోగపడుతుంది. విద్యార్థుల ప్రయోజనాలకోసం ఉపాధ్యాయులు, తల్లిదండ్రుల నుంచి ఎలాంటి సహకారం కోరుకుంటున్నారు. అదేవిధంగా తల్లిదండ్రులు, ఉపాధ్యాయులు నుండి ఎలాంటి సహకారం కోరుకుంటున్నారో పరస్పరం తెలుసుకునేందుకు ఒక మంచి వేదిక.
ఈ కార్యక్రమాన్ని విజయవంతంగా మరియు సమర్థంగా నిర్వహించడానికి కావలసిన సవివరమైన మార్గదర్శకాలను ఈ క్రింద పొందుపరచడం జరిగింది. జాగ్రత్తగా పాటించండి.
0 Response to "తల్లిదండ్రులు, ఉపాధ్యాయుల సమావేశం (పిటియం)"
Post a Comment